ԳՅՈՒՂԱՇԽԱՐՀ
Այսօր մանուկ ընթերցողին հասանելի է գյուղական կյանքի մասին պատմող լավագույն մանկական երկերի մի ամբողջ շարք: Կյանքը գյուղում մի առանձին հմայք ունի փոքրիկ հերոսների համար: Այն տարբեր է քաղաքի կյանքից` լի այլ վայելքներով, աստղալից գիշերներով, համեմված սարերից փչող քամու բերած անուշ խոտաբույրերով: Գյուղաշխարհի շատ գրքեր պատմում են անդառնալի հեռացած կյանքի մասին, որ այսօր պահպանվում է միայն պատմության էջերին: Կյանք, որ լի էր դժվարություններով, բայց նաև անկրկնելի քաղցրություն ուներ. ձմռանը գյուղական դպրոց հասնելը սխրանքի պես մի բան էր, հացն ու այծի պանիրն աշխարհի ամենահամեղ խորտիկն էր, իսկ համակարգչային խաղերի փոխարեն պար էիր բռնում սարալանջերին արածող ժիր ու կայտառ այծիկների հետ:
