Oրնիբուն տանն անգործ թեք ընկած, ականջը մեծաբերան կնոջ հեգնանքի հեղեղին` Նազարը խորհրդածում է իր ազնվազարմ ծագման շուրջ` չկասկածելով անգամ, թե ինչ երևելի սխրանքներ են իրեն սպասում: Կինը` Ուստիանը, հետ չի մնում ամուսնուց` ինքն էլ փայփայելով իր երբեմնի ազնվազարմության կարոտախտը: Այսպես է սկսվում Դերենիկ Դեմիրճյանի «Քաջ Նազարը». հարատևորեն արդիական երկ, որ կարելի է համաշխարհային հեքիաթագրության լավագույն նմուշներից մեկը համարել:Նազարը, ինչպիսի ազնվազարմ տիտղոսով էլ հանդես գա, ազգային «հերոս» է շատ մշակույթներում` Անգլիայից Կամբոջիա, Գերմանիայից Ռուսաստան: Նրան «մեծարել» են Հովհաննես Թումանյանն ու Գրիմ եղբայրները, Ալեքսանդր Աֆանասևն ու Իտալո Կալվինոն, Ջոզեֆ Ջեքոբսն ու Ավետիք Իսահակյանը: Բայց մեր Նազարն ուրիշ է` «կենտրոն տիեզերաց»: Նրա կոտորած սոսկալի գազանների թիվը հասնում է հազարի: Լսվա՞ծ բան է: Գերմանացի դերձակի խփածը յոթ ճանճ է ընդամենը, Ալբիոնի խեղճ ու կրակ կոշկակարը մեկ դյուժին թևավոր է այն աշխարհ ուղարկում, իտալացի հերոսը` հինգ հարյուր: Մեր փահլևանը լիովին տիրապետում է ծույլպարոնի գերադրական ճարտասանությանը` «ես ասեմ հինգ, դու ասա հազար»:

Գրքում ընդգրկված են Վերածննդի տիտաններից մեկի` Լեոնարդո դա Վինչիի  առակները, հեքիաթներն ու լեգենդները: Այս զրույցներից շատերը կարող են ընթերցողին ծանոթ թվալ:

Գրքում ընդգրկված են մոտ տասնչորս լատվիական հեքիաթներ, առաջաբան և   հեքիաթասացների ու տեքստերի գրառման վերաբերյալ ուշագրավ տեղեկություններ:

ՄԵՋԲԵՐՈՒՄՆԵՐ

Մի անգամ մի շատ ուժեղ ու գեղեցկադեմ երիտասարդ մոլորվում է  խիտ անտառում: Իրիկվա կողմ հանդիպում  է մի ծեր մարդու ու հարցնւմ նրան, թե արդյոք չգիտի մի տուն, որտեղ կարելի է գիշերել: Ծերուկը ցույց է տալիս մի մեծ ու շքեղ դղյակ, բայց ավելացնում է.

-Ատված գիտի` այնտեղ կարելի՞ է քնել. այնտեղ գիշերողներին հանգիստ չեեն տալիս:

***

Մի մարդ երեք որդի է ունենում` երկուսը խելացի, երրորդը` մի քիչ հիմար: Իր ժամանակը Խենթուկը անց է կացնում անտառում` հովվություն անելով ու անտառի կենդանիների հետ ընկերանալով և երբեմն էլ նրանց հետ իր հացի կտորը կիսելով:

Պատկերազարդ ժողովածու կրտսեր տարիքի  երեխաների համար: Ընդգրկում է ընթերցողին ինչպես ծանոթ, այնպես էլ դեռ անհայտ հրաշապատում հեքիաթներ:

Գրական առատություն. մեկ հատորում հարյուր հեքիաթ: Ժողովածուն ընդգրկում է դասական հեղինակների հրաշապատում գործեր, հեռավոր մշակույթներից մեզ հասած զրույցներ, առասպելներ ու հեքիաթներ, այդ թվում` բոլորիս քաջածանոթ Գրիմ եղբայրների «Մոխրոտը», Հ.Ք. Անդերսենի «Թագավորի նոր հագուստը», «Ջրահարսը» և այլ պատմություններ, որ փոքրիկները սիրով կընթերցեն կամ կունկնդրեն, եթե նրանց համար կարդան: Գիրքը  նկարազարդված է գունագեղ, իսկապես հեքիաթային պատկերներով: